Men ki ʿanḳāyam vücūd-ı ḳafı gözler gözlerim / Levḥ-i dilde ʿayn u şin u ḳafı gözler gözlerim

Ḥilḳat kūyına Ḥaḳḳdan vāsıṭa ʿaşḳ oldı nuṭḳ / Bu cihetden emr-i nūn kāfı gözler gözlerim

Kāf u nūndan kārgāhı gerçi munca ṣūretiñ / Lik şol üstād-ı ṣūret-bāfı gözler gözlerim

Bir ṣadefdir iki ʿālem ādem onuñ gevheri / Muttaṣıl ol gevher-i şeffāfı gözler gözlerim

Ādem evvel ʿAlḭdir mālikü’l-mülk-i vücūd / Kān-ı cūd ol menbaʿu’l-ilāfı gözler gözlerim

Ḫalḳ maḥşer meclisinde çaġrışanda ol zamān / Şāh elinden anda cām-ı ṣāfı gözler gözlerim

Dūzaḫ u cennet evinden ḳılmışam ḳaṭʿ-i naẓar / Mülk-i Ḥaydar ḫıṭṭa-yı aʿrāfı gözler gözlerim

Tḭġ-ı nuṭḳum ẕülfiḳār-ı murtażādur ḥarb içün / Sanma ḫancer sanma seyf-i seyyāfı gözler gözlerim

Evvel āḫir anıñ dḭdārına göz tikmişem / Bul-ḥevesler tek ne her eṭrāfı gözler gözlerim

ʿĀrif-i nefs ol müderrik maʿrifetden behremend / Ehl-i dil tek ṣāḥib inṣāfı gözler gözlerim

Şāh meydanında ḳāim ṣādıḳ-ı ṣāḥib-ṭarḭḳ / Bir refḭḳ perhiz-i kem-lāfı gözler gözlerim

Ḳalbi ḫāliṣden seçer ey Himmetḭ miŝl-i meḥekk / ʿAşḳ bāzārında bir ṣarrāfı gözler gözlerim