Şāh emirdir Bu’l-ḥasan-ı ṣaf-şiken / ʿAmr-ile seg ʿAnter tek ḍarb-ile başın kesen

Rūḥ-ı revāndır maña cism-ile cāndır maña / Ḥāricḭ müşrikiñ tḭġ-la baġrın delen

Gel berü ey bḭ-baṣar tanı o şāhı ki tā / Mesken éde göñlüñi çekmeyesen tā miḥen

Şemʿ-i hudādur ruḫı çarḫ çū fānūs oña / Perde-yi fānūs émiş ʿarş bu kürsi legen

Ol yüze pervānedir pes melāik tamām / Şuʿle-yi ẕāt oldur ʿāleme sırr-ı ʿalen

Aḥmed u Ḥaydar erür ṣūret-i maʿnḭ-yi Ḥaḳḳ / ʿĀşıḳ-ı maʿşūḳ-ı ʿaşḳ ḥikmet-i rūḥ u beden

Şāriḥ-i ŝuʿbān-ı ṣaʿb hem cible hem cebel / Ḥārib-i ḥarb-i ḥuneyn ḍārib-i ʿanter-fiken

Hālik-i hüşşām-ı şām ḳāhir-i şol [ḳahḳaha] / Şāh-ı selāsil-güşā ṣaff-der-i ḫayber-şiken

Ḳāḍıdır ey Himmetḭ kāfir-i nefsiñ bugün / Tḭġ-ı siyāset çeküb ʿaşḳ-ile başın kesen