Çoḳdur bu ilticāya dil-i āhenīn saña / Gelmez mi ẕerre merḥamet ey nāzenīn saña

Bintü‘l-‘ineb dehānuma ḳor ḳorḳaram biber / Ḥāl-i siyāhı baña hemān dārçīn saña

Ey zülf baḳma ḥāl-i perīşāna raḥm idüp / Varsa sözümde būy-ı ḫaṭā müşg-i Çīn saña

Yoḳ dil-rübūde olmaduḳ ey āfitāb-ı ḥüsn / Bir ḳaṭre şeb-nemi ḳomaduñ āferīn saña

Gūş itmedüñ mi nāle-i cān-gāh-ı bülbüli / Ey ġonca gülşen içre hezārān enīn saña

Ma‘kūs olursa da işümüz rāstdur yine / ‘İbret degül mi ṣafḥada naḳş-ı nigīn saña

Urdum zirā‘-ı hendese-i ṭab‘a Ḫāliṣā / Ol dil-nişīn ṣuffe baña şeh-nişīn saña