Devr-i mihr-i ḥüsnünüñ yandı ḳararınca bu dil / Sāyesinde olmadım ol serv ḳaddiñ müsṭaḳil

Belki teʾsīr-i nigāh-ı çeşm ḫūn-ālūddur / Gösteren āyīne-i ḥüsnün ḳızıl ṣahbā değil

Ṭolaşub zihnim açınca baḥs-ı zülf u ḫāli / Oldı zincīr-i süḫan böyle müselsel muttaṣıl

Ben seni mīzān-ı neẓẓāremde pek kem añladım / Aġır ol ṭartılma ey zāhid baña artıḳ çekil

Ṭoġrısı meyyālseñ aġyāre ey ḳaşı kemān / Tīr-i āhım degmesün zinhār bu yana eğil

Vaṣf-ı zülf-i yārla inceldi Nūrī sözleriñ / Ḳıl ḳadar yoḳdur ḫaṭā uzatma ḳīl u ḳāle dil

Şemʿ-i cānın kim yaḳarsa şems-i dīniñ ʿaşḳına / Çarḫ başında döner pervāneveş fırıl fırıl