O çeşm-i mesti bir ‘ayyār-ı sāḥirdür çalar çarpar / Ḫayālüm ey perī-rū ġamze kāfirdür çalar çarpar

O şūḫuñ mihr-i pertev-sūzı sārī rub‘-ı meskūna / Dil-i ‘uşşāḳı gūyā fażl-ı dā’irdür çalar çarpar

Ciger-gāhı kenār-ı lücce-i āġūş-ı ḫulyāya / Dil-i sīm-ābumuz deryā meḳāṭirdür çalar çarpar

Ne ġam şeh-nāz iderse sen dügāh it būselik faṣluñ / Nühüfte-kār ile dil naḳş-ı şā‘irdür çalar çarpar

Ṭanīn-i ṭās-ı gerdūn-ı visālüñ vaḳti yaḳlaşdı / Güzīne sā‘at-i dem-sāzı ḥāżırdur çalar çarpar

Ẓuhūr itse eger bu ḫāne-i endīşede iḥrāḳ / Bu şuʿlem şeh-nişīn-i yāre nāẓırdur çalar çarpar

Bulup bu nev-zemīnde bir defīne Hindū-yı ḫāme / Gözet efsūnı Ḫāliṣ naḳd-i vāfirdür çalar çarpar

Cenāb-ı nükte-senc-i kilk-i aḥbādan resīd ister / Cevāb-ı ḫāme-i mesṭūr defātirdür çalar çarpar