ʿAlḭdür aftāb-ı ʿālem u ẕāt / Kim onuñ pertevidür cümle ẕerrāt

Ṣıfāt-ı ʿayn-ı mevcūdāt-ı lāyezālḭ / Cemāl-i pāk-ı vech-i Allah mirāt

Felek āyinesiñ ḳıldı tecellā / Göründi sūret-i sebʿi’s-semavāt

Cihān-ı şūle-i şemşḭr-i Ḥaydar / Münevver eyledi refʿ oldı ẓulemāt

Neden kim ḫalḳa dḭn-i Muṣṭafānı / ʿAlḭniñ zülfiḳārı ḳıldı iŝbāt

Onuñ tḭġıdur āfāt-ı semāvḭ / Yere gögden ener zḭrā beliyyāt

Velḭ her kimʿAlḭyyu’l-murtażāya / Sıġındı ṣıdḳ-ilen ol görmez āfāt

Sipehsālār ṣaff-der-i şḭr-i cebbār / Vérir münkirlere ecr-i mükāfāt

ʿAlḭ şanında Ḥaḳḳdandur muḳarrar / Şecāʿat hem saḫāvet hem kerāmāt

Resūlüñ kitfine basdı ayaġıñ / ʿAlḭ ʿéndirdi ṭāḳ-ı kaʿbeden Lāt

ʿAlḭ dergāhıdur ṭūr-ı ḥaḳḭḳat / Ḳılur yüz miñ kelḭm onda münācāt

Bu şāhı bilmeyen ehl-i şeḳāvet / Eger leylāc ise āḫır olur māt

Girübdür Himmetḭ ʿaşḳ-ile her dem / Velāyet ʿarṣasında oynadur āt