Ḳılmadı cān gönülden Ḥaydara tā bendelik / Nūr-ı Ḥaḳḳdan tapmadı terk-i felek tābendelik

Almasa şemʿ-i velāyetden żiyā bulmazdı bil / Āftāb-ı ʿālem-ārā ḫilʿat-ı ferḫundelik

Ḥaydar ol ẕāt-ı revān-perverdür ey ṣāḥib-i cevd / Buldı nuṭḳundan anıñ ḫıżr-ı mesḭḫā zindelik

Tanı ol şāhenşeh-i dārü’l-beḳāyı sen daḫi / Ger dilersen bu fenāda devlet-i pāyendelik

Ṣıdḳ-ilen her kim tevellā ḳıldı āl-i Ḥaydara / Dünyā u ʿuḳbāda hergiz çekmedi şermendelik

Pes hḭç vaḳt şol rūḥ-ı mücerredsen bugün / Bu cihanda ḳılma kātib nefs içün ḫarbendelik

Maʿrifet gencinesidür bu vücūduñ ey faḳḭr / Pes ne maʿnḭde çekersin ʿacz-ile dermendelik

Rızḳ-içün endḭşe çekme çün tevekkül ehlisen / Maṭbaḫ-ı şāh-ı velāyetden yazıldı gündelik

Ol kerḭm-i kār-sāz u dil-nevāzıñ rūz-ı ḥaşr / Ẕevḳ-le bezminde İsrāfḭl éder sāzendelik

Ser-be-ser ol gün géyerler ḫilʿat-i şahın ḳuṭaṭ / Müʾminḭn u müʾmināne el vérür terfendelik

Şād olur müʾminleriñ dḭdārına ḳarşu ḳılur / Ḥūrḭler ṭūṭḭ ṣıfat cennetde şekker-ḫandelik

Himmetḭ bu devlete girmek dilerseñ ʿaşḳ-ilen / İḫtiyār eyle bugün üftādelik efkendelik