ʿAlḭ veliyyi ḫudādır ḫudā veliyyi ʿAlḭ / Ḥaramzāde olur bilmeyen ʿAlḭni velḭ

Ḫiṭāb geldi “e lestu bi-rabbikum” Ḥaḳḳdan / Bu ḳavle zümre-yi ervāḥ dédi belḭ

ʿAlḭdür anda buʿahde güvāh ey ʿārif / Bu ʿilmi añla ki tā olmaya işiñ ʿamelḭ

İlā beyānı yedullah-ı fevḳ-i eydḭhim / Maḳām-ı maʿnḭde Ḥaḳḳıñ elidir anıñ elḭ

Dutubdır anesiñ ġayr eli yaġından / Velḭ Ḥaḳḳ-ile her kim ki eyledi cedelḭ

Görür cemālı Muḥammed anıñ ki aynasın / Ḳılursa ṣayḳal-ı mihr-i ʿAlḭ cilā u celḭ

Vérür muḥibbine şol sāḳḭ-yi ezel her dem / Raḥḭḳ-i kevŝer u şḭr u şarāb u hem ʿAlḭ

İki cihānı eger vérseler ayā ʿāşıḳ / Yaḳḭn bil olmasa bir ẕerre mihriniñ bedelḭ

Ger olmasaydı anın ẕülfiḳār-ı feyyāżı / Tapardı dḭn-i Muḥammed bu dḭnde ḫalelḭ

ʿAlḭni bil eger Allahı bilmek istersen / Kim onı bilmedi bilmez kerḭm-i lem-yezelḭ

Bu yolında ġam yeme ey Himmetḭ münāfıḳdan / Saña yeter bu cihānda penāh-ı nād-ı ʿAlḭ