Ey ḫāme naġme-rīz-i nevā-yı nihānum ol / V’ey naḳş-beste saṭr-ı hüner sen lisānum ol

Gel ey midād çeşm-i siyeh-baḫtı şerḥ idüp / Ġāze-ṭırāz-ı rūy-ı ‘arūs-ı zamānum ol

Ey nev-ġubār-ı ḥüsn ü melāḥat be-gird-i ḫaṭ / Ṣayḳal-zidā-yı levḥa-i ṣafvet nişānum ol

Ey şu‘le-rīz-i tābiş-i āh-ı derūn-ı men / Tāb-āver-i şerāre-i āteş-feşānum ol

Ey merdümān-ı ḫāme-i mūyīn-ṭırāz-ı çeşm / Zīver-nümā-yı ṣūret-i taṣvīr-i cānum ol

Ḥüsn ü edā-yı şīve-i Ḫāliṣ gibi hemān / Siḥr-āşinā-yı ḫāme-i mu‘ciz-beyānum ol