Her giyāha ḫāṣṣiyet yazmış ‘acebdür feylesof / Hep beyān itmiş nebātı ẕū-nesebdür feylesof

Cevheri ta‘rīf idüp ābek tereşşuḥ itdirür / Zīr-gehden āb-ı cārīye sebebdür feylesof

Mātürīdiyye ta‘arruż eyle fi‘lüñ ḫālıḳı / İ‘tiḳād ü meẕhebinde pek celebdür feylesof

Ṣūret-i eşkāl-i ḫuṣyeyle ẕeker teşrīḥine / Çoḳ tedebbür eylemişdür bī-edebdür feylesof

Edviyeyle ḫuṣyeyi taḥrīk ider hem-çün ẕeker / İtse taḥrīküñ murād ‘ālī rütebdür feylesof

Eyledi taḳṭīr inbīḳ-i hünerle mā’-i pīḫ / Dest-i ḥikmet ile her ṣu müktesebdür feylesof

Ṭarḥ idüp Ḫāliṣ taṣavvuf-gūne fāḫir bir ġazel / Ḥikmet ile kāfiyemden müntaḫabdur feylesof