Vaʿde érdi Mehdi-yi ṣāḥib-zaman eyler ḫurūc / Gün teki ol ṣāḥib-i devran éder seyr-i burūc

ʿArż-ı ḭmān-ile iḫlās-ile ol sulṭāna gel / Tā éder rūḥ-ı şerḭfiñ ʿarş-ı raḥmāna ʿurūc

Yetmiş iki millete ol gün ḳopar ṭūfān-ı Nūḥ / Ġarḳ olur ġarḳ ol celālet baḥrine ger olsa mūc

Uşbu ṭūfan celālinden ger istersen necāt / Çıḫ velāyet evcine ʿanḳā-ṣıfat merdāne ūc

Vāriŝ-i mülk-i nübüvvet muttaḳḭdür ey şaḳḭ / Bu taṣarrufdan eliñ çek sal buyurdı eyle köc

Muttakḭ olmaz münāfık münkir-i āl-i ʿabā / Ḳılsa ger yüz min namāz dutsa ger yüz miñ orūc

Muttakḭ oldur kim ola muḳtedāsı murtażā / Yoḫsa kim ṣavm u ṣalātı cümle oldı pūc

Géyse ger yüz ḫırḳa u taḳvā cihānda ḫāricḭ / Ol ḳalur āḫır güni belʿam teki ʿüryān lūc

Ey berāder haşr dḭvānında sormaz Kird-gār / Munda ger mevlā-yı Ḥaydar ḳılsa yüz miñ cürm sūc

Mihr-i şāh-ı evliyā bir kḭmyādur ki anuñ / Pertevinden ṣāf olur altun kimi bir ḳalb-i ṭūc

Ḳıl taḥammül daş eger yaġsa bu yolda başıña / Ṣabr-éder gör munca kim senden çeker ṭeannḭ çekūc

Himmetḭ ser vérmege mestāne gel merdānedür / ʿAşḳ-ilen ḳurbān olur ʿarṣa-yı meydanda ḳoc