Olmasa bu fenā ṣūret ʿālemde muġayyed / Tā kim olasın maʿnḭde bāḳi u muḫalled

Tecrḭd gerek ʿaşḳ eri zḭrā ki ʿAlḭdür / Bu ʿarṣada ser-leşker-i ervāḥ-ı mücerred

Bu kaʿbe-i taḥḳḭḳe ayā köhne müselmān / Gel gel getür iḫlāṣ-ile ḭmān-ı mücerred

Men noḳṭa-yı bāyım dédi şol noḳṭa-yı bādan / Din defterini baġladılar Ḥaydar-ı vāced

Bir noḳṭadan ol yeddi kitāb oldı mürekkeb / Yazıldı beyāz üstine munca ḫaṭṭ-ı esved

Müfredden oḫı ders-i ṭarḭḳatde ʿAlḭniñ / Tā ferd olasın ʿaşḳ-ile ey ʿāşıḳ-ı müfred

Ger müdrik iseñ gör ki bu Ḳur’ān-ı ʿaẓḭme / Ẓāhirde ʿAlḭ müfred-ilen yaḳıldı ebced

ʿAşḳında ʿAlḭniñ ḳamū erbāb-ı muḥabbet / Bu iki mülkine cihān çekdi ḳalem-i red

Yaʿni ki cihān cḭfesine ṭālibdür kelb / Ey ʿāşıḳ-ı ṣādıḳ budur aḳvāl-i Muḥammed

Ger ṣabr u ġınā gencine ḳıl Ḥaḳḳa tevekkül / Buġż u ḥased u ḥırṣ u hevā ḥaddine çek sedd

Peymānıñı gel sındurma ki tā sāḳḭ-yi kevŝer / İnʿām éde maḥşerde saña bāde-i sermed

Ey Himmetḭ bir ḳavl-i nebi-yi seyyid-i ʿālem / Yetmiş iki ḥac oldı bize ravżā-yı meşhed