Olub bir serv-i bāġ-ı iffetiñ pāmāl-i iḥsānı / Ḳararın şimdi gördim bir maḫālde taʿb-ı meyyalin

Sipihr-i ʿāṭıfet ḥūrşīd-i şefḳat māh-ı ʿiṣmetdir / Ḫudā gün günden efzūn ide tāb-ı mihr-i ikbalin

Semiyy-i Fahr-ı ʿĀlem zāde-i İlyās-ı vālā-şān / İder maḥsūd nice nice ʿunvān ile emsalin

Ḳılınsa mū-be-mū taʿdād tār-ı kāle-i luṭfı / Keser kaz-ı ḫamūşı riştesini ḳīl ile ḳālin

Anıñ ẓıll-ı ẓalīl-i devletinde mest-i ẓulm ben / Hümā-yı evc devlet başına çalsun per u bālin

Naẓīri gelmemişdir işte defterḫāne-i ʿālem / Aransun yek-be-yek evrāḳ u ṣuḥfı māhla sālı

Şebi rūz rūzı nevrūs ola Nūrī ol felek ḳadriñ / Ḫudā göstermesün aṣla zevāl-i mihr-i iclālin