İki cihāna ḳalmaz bu yolda ʿāşıḳ dost / Kim cān u dilden ister anıñ ki ʿāşıḳ dost

Bend-i ʿalāyıḳ kes ferd ol fenāya muṭlaḳ / Dārın içinde yoḫdur zirā ʿalāyıḳ dost

Mindi Burak-ı ʿaşḳa meydān-ı ʿaşḳa sürdi / Terk étdi cān u başı ṣıdḳ-ile ṣadıḳ dost

Āşināiyyet tarḭḳiñ her kim bırāḫdı elden / Vaḥdāniyyet evinde oldı muvāfıḳ dost

Çün u çerāde ḳaldı ẓan-ile ehl-i pindār / Oldur muḫālif-i Ḥaḳḳ oldur münāfıḳ dost

Aġyār ṣordı menden sen kimsen dédim men / Bir ʿāşıḳ-ı belākeş memlūk-ı sābıḳ dost

Ḳanber gerek ʿAlḭniñ cān vere ḫidmetinde / Her bende maḳbūl olmaz her tuḫfe lāyıḳ dost

Ḥaydar şeh-i velāyet ol maẓhar-ı hidāyet / Göñlüne ondan oldı keşf-i haḳāyıḳ dost

Ḥaydar Ḥaḳḳıñ elidür Ḥaydar şeh-i velḭdür / Ḥallāl-ı müşkilāt u ḥall-i daḳāyıḳ dost

Ḫoş étdi baḥr-ı vaḥdet dutdı cihānı keŝret / Açıldı bāb-ı raḥmet cān oldı ẕāiḳ dost

Faṣl-ı bahār yétdi berdü’l-ʿacūze getdi / Ṣaḥn-ı çemende yetdi vādi ḥaḳāyıḳ dost

Āyine-yi żamḭre ey Himmetḭ naẓar ḳıl / Ondan bize ḫaber vér ṭūṭi-yi nāṭıḳ dost