Mizāc-ı saḫtını nerm itdi mīnā ol cihān-tābuñ / İder penbeyle memzūc āteşi la‘l-i mey-i nābuñ

Fenā-yı rūzgārı mevc-i āb ile idüp tasṭīr / Vefāsı neş’e-i yek-laḥẓadur bu ‘ālem-i ābuñ

Olursa sīne pür-dāġ-ı şükūfe sebz-i ḫaṭṭuñla / Düşer faṣl-ı bahāra bedr-i ḥüsn ü rūy-ı meh-tābuñ

Dehāna ġonca yā cüz’ eyle mażmūn nükte-i ma‘dūm / Kelāl-i ṭab‘a bādī cüst ü cūsı şey’-i nā-yābuñ

Döker zülfüñ ‘iẕāra ḫavf-ı tāb-ı dūd-ı āhumdan / Esen yelden ṭoġan aydan ṣaḳınmış rūy-ı pür-tābuñ

İdelden āyīne gözden nihān ol ‘aks-i cānānı / Dili sīm-āb-ı lerziş-yāb-ı ḫayretdür o bī-tābuñ

Olup āyīnede ‘aksüñ senüñ āġūş-ı ḫulyāya / Ki leẕẕet-baḫş olur rü’yāsı Ḫāliṣ ‘ālem-i ḫābuñ