ʿArş-ı Ḥaḳḳdan her ṣabāḥ aftāb-ı ṣubḥ-ı devlet / Kim tapar nuṭḳ-ı ʿAlḭden ol futūḥ-ı iftitāḥ

Şāhbāz-ı evc u edna ʿAlḭdür kim uçar / Şevḳ-ilen onuñ hevāsında hümā-yı zü’l-cenāḥ

Almayınca ey velḭ ʿilm-i velāyetden sabaḳ / Olmadı hḭç kimseye bu mektebde ṣāḥib-i iḥtilāḥ

Nuṭḳ-ı pāk-ı murtażādan bulmadı her kim ḥayāt / Bilmedi cismindeki rūḥ-ı revāndan yār-ı bāḥ

Din yolunda perver-i şāh-ı velāyet olmayan / Ṣāliḥ-i müstaḥsin olmaz yaʿni kim ehl-i salāḥ

Ḥükm-i Ḥaḳḳdan oldı aḥbāb-ı ʿĀlḭ u Aḥmede / Ḫāricḭ u nāṣibiniñ ḳanı şerbetden mübāḥ

Çāker-i şāh-ı velāyetdür bulan maḥşer güni / Sāyesinden şol livā-yı Muṣṭafānıñ istirāḥ

Defʿ-i ġayra urmada yedullahıñ yeter her barmaġı / Kim oña kūy-ı hecā ḥācet degil seyf u ṣalāḥ

Ḥurre İbn-i Ḳays çapdı yıḫdı bāb-ı Ḫayberi / Pes bu aḫbār-ı ṣaḥḭḥi ṣanma ey münkir mizāḥ

Ḫaşm-ilen her dem ʿadū-yı ehl-i beytiñ çeşmine / Çarḫ meydānında sanca aḫtarı sākıb remāḥ

Himmetḭ merdāne şāh-ı ẕülfiḳārıñ ʿaşḳına / Tḭġ-ı tevḥid ile ṣadr-ı sḭneñi ḳıl inşirāḥ