Ne dem nūr-ı cebīnüñ mihr ile ta‘bīr ider mehtāb / O şeb çün hāle ḫaṭṭ-ı ‘anberīn tanẓīr ider mehtāb

Pür-encüm levḥa-i zerrīne sīmīn kilk ile her şeb / Nikātı nüsḫa-i tenvīrini tasṭīr ider mehtāb

Gice deşt-i felekde āhuvān-ı encümi ṣayda / İdüp bu hāleyi dām-ı nihān naḫçīr ider mehtāb

Cemālüñ perteviyle ḫīre-çeşm olmaġla ‘uşşāḳuñ / Żiyā-yı nūr-ı mihri gūyiyā taṣvīr ider mehtāb

Şeb-i ḫaṭda o rūy-ı bedr yine meş‘al be-dūş olmış / O mihri seyre çıḳmış dīdesin tenvīr ider mehtāb

Sipihrüñ tekyesinde ṣanki Necmü’d-dīn-i Kübrādur / Döner bir ḫalḳa-i tevḥīd ile tekbīr ider mehtāb

Olur ḳurṣ-ı semenle ġāze-sāy-ı zülf-i şeb Ḫāliṣ / Me Meşām-ı gīsuvān-ı encümi ta‘tīr ider mehtāb