Mehdi-yi ẓāhir gelmeden deccāl-i nā-fermān ḳopar / Evliyā ḳalmaz cihānda leşker-i şeyṭān ḳopar

Bu ẓelāletden düşer ʿarż u semāya zelzele / Ḫalḳ içinde hāyhūy u nāle u efġān ḳopar

Şuʿlesi ḳalmaz düşer ʿayn-ı küsūfa mihr u māh / Yél eser gökde bulutlar kökreşür bārān ḳopar

Onda her kim ki olursa tābiʿ-yi deccāl-ı ḫar / Küfr-ile Ḥaḳḳdan döner ol cehl-i bḭ-ḭmān ḳopar

Géyse ger yüz cevşen u ḫuftān-ı taḳvā hāricḭ / Ser-be-ser ol dem ḳıyāmet ehli tek ʿüryān ḳopar

Vaʿdedür ehl-i cihāna mehdḭ-yi ṣāḥib-zamān / Gün teki eyle tecellā ṣanma kim pinhān ḳopar

Emr-ile ʿḭsā felekden ẕülfiḳārı endirür / Başına āteş yaḳar müşrikleriñ ṭūfān ḳopar

Yeryüziñ inṣāf u ʿadl u ḳısṭ ile maʿmūr éder / ʿĀdil u kāmil celḭlü’l-ḳadr sulṭān ḳopar

Ber-ṭaraf eyler cihānda cevr-i ẓulmüñ ẓālimiñ / Şāh Ḥasan oġlu Muḥammed çün şeh-i merdān ḳopar

Yetmiş iki milletiñ erkān-ı dḭn-i meẕhebi / Ḥükm-ile yeksān éder bir ḥüccet-i burhān ḳopar

Fāş olur fi’l-cümle yer altındaki genc-i nihān / Kimse müflis ḳalmaz ol gün bir ʿaceb devrān ḳopar

Şükr-éder bu niʿmete çārguşden baş ḳaldurur / Himmetḭ tek ṣed hezārān ʿāşıḳ-ı ḥayrān ḳopar