Ḳoy bu zerḳ-i zühd-gḭr-i meyḫāneye peymāne çek / Çıḫ ene’l-Ḥaḳḳ dārına bir naʿre-yi mestāne çek

Sāḳḭ-yi devrān eger peymānıñ aḳān doldurır / Andan ikrāh eyleme ol bādeye bir ḳāne çek

ʿAhd-ı peymān eylediñ çün şāh-ilen rūz-ı ezel / Sadık ol ḳavlinde her hükmeylese merdāne çek

Lāf éder her kim ki serbāzam déyüb at oynadur / Dut cılāvından anıñ iŝbāt-içün meydāne çek

Daʿviye maʿnḭ bugün maʿnāya göstersün nişān / Yārı ḳoy dārü’l-ḳażāya ḥākim-i dḭvāne çek

İki ʿālem mülkiniñ miḳdārı yoḫ bir zerrece / ʿĀrif ol ey müşteri miḳdārıñı mḭzāna çek

Gevher-i genc-i ḥaḳḭḳatde muḥibbe mihr-i şāh / Bulmak istersen bu genc-i raḫtıñı vḭrāne çek

Olmasa her defteriñ āġāz-ı mihr-i murtażā / Ḫaṭṭ-ı butlān u ḳalem ol defter-i dḭvāne çek

Baġla zḭver ẕikr-i Ḥaydardan ʿarūs-ı ṭabʿıña / Niʿmet-i Aḥmedden ser-i zülfine anıñ şāne çek

Baḥr u berde maʿden u kān isteme ey cevherḭ / Derc-i nuṭḳımdır berü gel rişteñe dürdāne çek

Çün ulū’l-ebṣār-iseñ gerdi āstān-ı Ḥaydarıñ / Tūtiyādur Himmetḭ bu dḭde-yi giryāne çek