Yā ʿAlḭ yā İlyā yā Ebu’l-Hüseyn yā Būturāb / ʿİzzetiñ ḳurbinde kimdür bu turāb

ʿArş ü kürsḭ mihr u māh çarḫ hem levḥ u ḳalem / Cümle fermānındadur bād āteş ḫāk u āb

Endi zehrā gökyüzünden yüz dutub bu dergāhıña / Döndi maġribden celālet birle baḫduñ aftāb

Tā şehadet mülkine yā şāh-ı dḭn baṣdın ḳadem / Maḳdeminden Ḳaʿbe ābād oldı yā Ḫayber ḫarāb

Aḥmed-i Maḥmūd Ebu’l-Ḳāsım Muḥammed Muṣṭafā / Server-i ser-defter şāhenşehi ʿālicenab

Maʿnḭ-yi mülkinde dedi şehr-i ʿilm ü vaḥdetim / Yā velḭyy-i Ḥaḳḳ bu şehr-i ʿilmine sensen fetḫ-i bāb

Nokta-i ba-i ser-i bismillahirraḥmanirraḥim / Münşḭ-yi Ḳur’an mühr-nāme-yi ümm-ül-kitāb

Cemʿ bu ʿarṣada Ḥaḳḳ buyurduġilen küllişeyʾ / Anda kim maḥşer ḳopar ẓāḥir olur yevmu’l-ḥisāb

Mühr alıñ her kimiñ cānında vardur ẕerrece / Kūh-i ḳaf olsa günahı Ḥaḳḳ bilür görmez ʿazāb

Bḭ-baṣāretdür seni nisbet ḳılan her nākese / Şḭr-i Ḥaḳḳ birle berāber mi olur hergiz küllāb

Ẓülfiḳārıñ şuʿle çekse bir şerārından ḳaçar / Ṣad-ḥezār İsfendiyār u Rüstem u Efrāsyāb

Bir naẓardur görmeġe dḭdārıñı bu Himmetḭ / Uşbudur maḳṣūdumuz vallahu āʿlem u bi’ṣ-ṣavāb