Şevḳ-i ‘ışḳum tābiş-i ruḫsāra ṣor ṣorma baña / ‘Andelībüñ sūzişin gülzāra ṣor ṣorma baña

Neşve-i meyden mi reng-i būseden mi gül-‘iẕār / Yoḫsa ‘aks-i sāġar-ı ser-şāra ṣor ṣorma baña

Çeşm-i āhūsındaki naḳş-ı süveydā-yı fiten / Nevk-i nāzuñ ġamze-i ḫūn-ḫāra ṣor ṣorma baña

Noḳṭa-i ḫāl-i siyāhı öyle kāfir-kīş kim / Tārı zülf-i ‘anberüñ zünnāra ṣor ṣorma baña

Başdan çıḳmış perīşān zīr-i fesden perçemi / Bu günāhı zāhid-i istiġfāra ṣor ṣorma baña

Tīr-i müjgānuñ hezār ‘uşşāḳa te’sīr eylemiş / Zaḫm-ı berg-i gülşeni sen ḫāra ṣor ṣorma baña

Ḥoḳḳa-i dür mi ya bir gencīne-i cevher midür / Dāne-i dendān-ı dür şeh-vāra ṣor ṣorma baña

Ṣu getürdüm çeşm-i giryānumla kūy-ı dil-bere / Tīşe-i Ferhād’ı sen kūhsāra ṣor ṣorma baña

Salṭanatla cünbiş-i şūḫı serīr-i nāzda / Şeh-pesend ṭavrını ḫünkāra ṣor ṣorma baña

Sikkeye gelmez mi bu sīm-i ruḫām-ı gerdeni / Kilk-i sīm-i Ḫāliṣ’i yek-pāre ṣor ṣorma baña

N’idigün bilmem ‘araḳ-rīz-i ḥicāb ol gül-‘iẕār / Ḫāme-i aḥbār-ı dür-īsāra ṣor ṣorma baña