Bu ḫāhiş ile dil olmış ‘aceb esīr-i heves / Heves heves diyerek oldı dil faḳīr-i heves

Nühüfte māye miyān-beste-i nevā-yı emel / Ne ġam naġam diyerek ötmede nefīr-i heves

Kemān-ı saḫtı içün çilleler çeküp yārüñ / Atıldı deşt ü beyābāna ḫayli tīr-i heves

Biraz bacaḳlı biraz fındıḳ ile zer maḥbūb / Bu idi evvel olan ḫāhiş-i kebīr-i heves

Kimüñ vebāline girsem ki cem‘ zer maḥbūb / Kim itdi kim yidi āyā kim oldı sīr-i heves

Geçirdüñ ‘ömri cebīn-sāy-ı ḫāk olup yek-vār / Budur cihānda hemān māye-i ḫamīr-i heves

Hilāl-i rūzeyi gördüm saḥūr idüp Ḫāliṣ / Helāl-i mā’ide-i yārdur faṭīr-i heves