İki ʿālemde ʿAlḭdür pişvā ol maḳṣūd-ı rabb / Yaʿni bu ḭcād mevcūddur olmışdur sebeb

Ol emḭriñ ki ʿArabdur ẓuhūru ẓāhiren / Maʿnḭde amma tufeylḭdür vücūd-ı Türk ʿArab

Gerçe Ādem tapdı ol mebde-i eşyādan vücūd / Geldi Ādemden vücūda ol vücūd-ı bü’l-ʿaceb

ʿİlm-i vaḥdetde Ḥaḳḳıñ ẕātına melmūs imiş / Ey muvaḥḥid gel ḥaḳḭḳat ʿilmiñ ondan ḳıl ṭaleb

Kim ḫalefdür Ādem evlādında kimdür nā-ḫalef / Cümle rūşendür onuñ ʿilmine sırr-ı ümm u eb

Vardur aṣlında püşk-i faḥş géymişdür ḫaṭā / Onda kim yoḫdur cihād u ʿilm u ḭmān u edeb

Düşmen-i Ḥaḳḳdur bu yolda Ḥaydarı Ḥaḳḳ bilmeyen / Çün Ebu-Cehl u Ebu-Süfyān u miŝl-i Bu-Leheb

Ḥaydarı ḳassām-ı cennet bilmedi eṣḥāb-ı nār / Ehl-i Mekke olsun ehl-i Şām yā ehl-i Ḥaleb

Ḥaydar oldur kim beşikde ejdehānı ḳıldı şaḳ / Geldi Ḥaḳḳdan Ḥaḳḳına ol ṣaff-deriñ Ḥaydar laḳab

Müʾmin ol ṣıdḳ ile āl-i Ḥaydara ḭmān getür / Ger dilersen ey āḫḭ naḫl-i velāyetden rüteb

Ḳılmaya her kim tevellā ḫandān-ı Ḥaydara / Rūz-ı mahşer bḭ-gümān ol ḳavmedür Ḥaḳḳdan ġażab

Çek bugün renc u taʿab āl-i Muḥammed ʿaşḳına / Ey ḳıyāmet ṣaḥnesinde isteyen ʿayş u ṭarab

Ẕikr-i ehl-i beyt-i Ḥaydardur göñülde Ḥaḳḳ bilür / Himmetḭniñ ʿālem-i fānḭde şuġl-i rūz u şeb