Cānā cemāliñizden ḳaṣr-ı cihān münaḳḳaş / Ḫāl u ḫaṭṭından bu levḥ oldı cāna münaḳḳaş

Ḫaṭṭ-ı ʿiźār u zülf u ʿaynından ey nigārā / Ṣaḥn-ı çemen mülemmaʿ bāġ-ı cihān münaḳḳaş

Yaʿni gül u benefşe reyḥān u nergisinden / Hem gülistān müzeyyen hem bostan münaḳḳaş

Peyveste ḳaşıñı şol ḳavs-i ḳuzaḥ görenden / Taḳlḭd birle ḳılmış ol her kemān münaḳḳaş

Çekmiş muṣavver-i çḭn bir levhe ṣūret-i but / ʿAks-i ruḫundan anıñ pḭr-i muġān münaḳḳaş

Bu naḳşa olma ḥayrān ol bendi gör kim / Taṣvḭr-i ḫāmesinden āb-ı revān münaḳḳaş

Ṣūretde ger kevākib şems ḳamerden olmış / Bu yeryüzi münevver bu āsımān münaḳḳaş

Ferrāş-ı çarḫ tikmiş amma seniñ-çün ey şāh / Ne çetr-i lāciverdḭ ne sāyebān münaḳḳaş

Doldurdı gevher-i dürr eyler niŝār-ı Aḥmed / Naḳḳaş ṣunʿ ḳılmış ḫoş yeddi ḫān münaḳḳaş

Vaḳt oldı miŝl-i Ḥaydar bu ʿarṣayı serāser / Kāfir ḳanından eyler ṣaḥib-zamān münaḳḳaş

Ey Himmetḭ bu yolda ḳırduḳ sipāh-ı nefsi / Ḫūn-ı ʿadūdan oldı seyf u sinān münaḳḳaş