ʿAlḭ ʿaşḳına ey ehl-i saḫāvet sḭm u zerden geç / Ne sḭm u zer muḥabbet ʿāleminde cān u serden geç

Şefāʿat isteyen ḫayru’l-beşerden rūz-ı maḥşerde / Bir aḫlāḳ-ı ḥamḭde ḥāṣıl ét fiʿl-beşerden geç

Bu deşt-i pür ḫaṭardan ḳorḳma kūlli bḭyābān tek / Velāyet şehrine gir vadḭ-yi ḫavf u ḫaṭardan geç

Ger ol ṣāḥib-kerem-i şāh-ı kerḭme çākerem dérsen / Saḫāvetdür hüner buʿarṣada ġayr-ı hünerden geç

Metāʿ-ı dḭn u ʿuḳbā muḥaḳḳardur hakḭkatte / Nizāʿıḳoy berāder bu metāʿ-ı muḫtaṣardan geç

Güẕer ḳılmaz ʿAlḭ rāḥında kim ki iki ʿālemden / Kim ol dūndeġākim himmet-i küteh naẓardan geç

Güherdür nuṭḳ-ı cān-perver ḥacerdür ḳalb-i kennāsın / Ḥazer ḳıl daşa çalma gevher-i ḳalb-i ḥacerden geç

Ḫaṭardur ḥubb-ı dünyā şūriş andan ḳopar cümle / Ḳalem çek ser-be-ser ḫaṭṭ-ı ḫaṭādan şūr-ı şerden geç

Cihān-ı māʿrifetde gāv uḫardur bu cihānḫalkı / Eger insān-iseñ hem-sohbet olma gāv uḫardan geç

Velāyet nūrı görmez ʿAlḭ medḥinde semʿ olmaz / Meŝelde kör u kerdür ehl-i ġaflet kör u kerden geç

Ḫalḭlu’llah kimi “kale lāuḥıbbu’l-āfillḭn” söyle / ʿAlḭ dḭdārını görcek ber u şems u ḳamerden geç

Każa dönder yéri ḳatʿ-ı naẓar ḳıl yeddi kişverden / Vaṭan dut burda Himmetḭ özge maḳarda geç