ʿAlḭdür kişver-i ḭmāna fettāḥ / Ḥidāyet bābına meftūḥ-ı miftāḥ

ʿAlḭdür cūşiniñ dürrine ġavvāṣ / ʿAlḭdür ḳudretiñ baḥrına mellāḥ

ʿAlḭdür Ḥaḳḳa maẓhar maẓhar-ı Ḥaḳḳ / ʿAlḭdür cān-ı eşyā cümle eşbāḥ

ʿAlḭdür herşeyiñ nuṭḳında nāṭıḳ / ʿAlḭdür menbaʿ-ı deryā-yı ervāḥ

ʿAlḭdür ṣayḳal-ı āyine-yi ẕāt / ʿAlḭdür ṣūret-i raḥmāna miṣbāḥ

ʿAlḭdür hemʿaṣā-yı sırr-ı Mūsā / ʿAlḭdür yed-i beyżā kesr-i elvāḥ

ʿAlḭdür ol ki dḭn-i enbiyānıñ / Demi tḭġında onuñ tapdı ıṣlāḥ

ʿAlḭdür ol ki bāb-ı fażl içinde / Anıñ medḥine sulṭān oldı meddāḥ

ʿAlḭdür ol ki der yevmü’l-ḳıyāmet / Vérir müʾminlere kevŝerden iḳdāḥ

ʿAlḭdür lā-mekān kāfında ʿanḳā / Ki ḳıldı cehd ārā ŝuʿbān işrāḥ

ʿAlḭdür ol oḥullar onı Ḥaydar / Onuñ ḳurbine érmez hḭç seyyāḥ

ʿAlḭdür Himmetḭ baḥr-ı celālet / Kim onda ne neheñ oynar ne timsāḥ