Mīnāda naḳş-ı reng-i femi mevc-bestedür / Elmās-tırāş-ı sāġar-ı Cemdür şikestedür

Ebrūları dü mıṣra’-ı ber-ceste restedür / Levḥ-i ḥüsün keşīdesi ḥarf-i ḫucestedür

Ḫaṭ geldi gitmez oldı derūnumdan ārzū / Kūyına şimdi pāy-ı dil āheste bestedür

Ol buġday eñlü dil-bere fiḳr-i daḳīḳ idüp / Ey çarḫ-ı āsiyā ḫum-ı dilde nişestedür

Ceẕb-i ta‘affünāt ile bulmış metāneti / Enf-i raḳīb lehcede ḥayli kerestedür

Destinde bu şükūfe-i ḫāṭır-firībümüz / Nāçīz-i nīm-sebze-i ḫod-rūy-ı destedür

Ol va‘de-i dürūġ-ı güzeşte ḥisābumuz / Yār ile rū-be-rūda bütün neste nestedür

Bīmār-ı çeşm-i dil-siyeh-i nāz-ı yār içün / Kevnüñ ṭabīb-i ḥāẕıḳı ġāyetle ḫastedür

Āġāz-ı būs idince uṣūl ile Ḫāliṣā / Mīnāda naḳş-ı reng-i femi mevc-bestedür