ʿAlḭ mihr-ile cān āyinesin her kim ki ṣāf eyler / Cemālullah ol āyinede her dem ṭavāf eyler

Vücūd mülkini eyler musaḫḫar hem göñül taḫtınıñ / Şiʿār şivesiñ her cānda ʿayn şın ḳāf eyler

Velāyet burcına bir ḳuş ki uçmaz zāġ-ı kerkesdür / Eger ʿanḳā-ṣıfat munda maḳāmıñ kūh-ı ḳāf eyler

Giren meydān-ı ʿaşḳa ṣıdḳ-ilen evvel budur şarṭı / ʿAlḭ yolında bu cān u cihānı iʿtirāf eyler

Eger başın ḳaçursa ʿarṣa-yı şāh-ı velāyetden / Anıñ güftārına kirdārı yoḫdur herze lāf eyler

Uşadur ʿahd-ı peymānıñ degildür yaḳḭni muḥkem / Ḥaḳḭḳat menzilinde vaʿdesiñ dāim ḫilāf eyler

Ḳoparur şen şol muḥanneŝ şekl-i nāmerdiñ / Şeh-i merdāna her kim bir ser-i mū iḫtilāf eyler

Muḥibb-i ṣādıḳ ṣāḥib-i tevekkül Ḥaḳḳ ṭarḭḳinde / Çıḫan endḭşe-yi rehden tevehhüm yoḫsa ḫāf-eyler

Dem-i nişim bir ḫancer elmasına nisbetdür / ʿAdū-yı ḫānedānıñ baġrını her dem şikāf eyler

ʿAlḭ ahbābınıñ ger olsa yüz miñ cürm-i ʿiṣyānı / Ḳıyāmetde kerḭm-i pür-kerem anı muʿāf eyler

Kiçübdür Himmetḭ şāh-ı velāyet ʿaşḳına serden / Sipāh-ı dḭv-ilen bu ʿarṣada her dem meṣāf eyler