Cān mülkü oldı leşker-i ġam yā ʿAlḭ meded / Āhım götürdi ṭabl-ı ʿalem yā ʿAlḭ meded

Ḳıldı esḭr cān u dili ẓulm u cevr-le / Çekdi firāḳ ḫayl-i haşem yā ʿAlḭ meded

Gerdūn-ı dūn-nevāz elinden bu bendeye / Her dem gelür cefā u elem yā ʿAlḭ meded

Bu çarḫ-ı sufle perver-i kannās-ı kec-reviñ / İşi hemḭşe cevr sitem yā ʿAlḭ meded

Başımdan ey gözim bu ḳaddar ẓālimiñ / Bir dem belāsı olmadı red yā ʿAlḭ meded

Rıżā-yı Ḥaḳḳ çün meni ḳurtar bu ġuṣṣadan / Sensin iki cihānda aḥkem yā ʿAlḭ meded

Ey dest-i ġayb nūr ḳamı bir kenāra çek / Kim başdan aşdı cümbiş hem yā ʿAlḭ meded

Çeng-i felek bu ḳāmetimi egdi çeng tek / Bār-ı ġam-ile eyledi ḫam yā ʿAlḭ meded

ʿUḳde-güşā-yı ins u melek şāh-ı evliyā / Ḥallet bu müşkilātı bu dem yā ʿAlḭ meded

İhsān içinde düşmenine ser baġışlan / Ey pādişāh-ı ehl-i kerem yā ʿAlḭ meded

Ol dem ki ḫalḳ eyledi Ḥaḳḳ ʿarş-ı āʿẓamı / Çekdi bu ḥarf levḥā ḳalem yā ʿAlḭ meded

Cān safḥasında āl-i Muḥammed muḥabbeti / Kilk-i ḳażā ki ḳıldı raḳam yā ʿAlḭ meded

ʿArşa yetür bu Himmetḭniñ başını şehā / Ruḫsārı üste baṣ ḳademiñ yā ʿAlḭ meded