Şehā gülşende feyż-i şevḳüm āteş-bārdur sensüz / Nigāh-ı mest-i nergis çeşm-i bī-envārdur sensüz

Riyāż-ı sīne nīlī-reng ile bir ḥavż idüp inşā / Şirişk-i dīde mevc-i cūşiş-i enhārdur sensüz

Gül ü mül āteş-i ter hem zebān-ı şu‘le bir sāġar / Ḥabāb-ı çeşm-i bī-fer bezm-i mey bīzārdur sensüz

Bu zaḫm-ı dil nihān bir ġonca-i ne’şküftedür her ān / Ser-ā-pā gülsitān bir āteşīn civārdur sensüz

Nevā-sāz oldı zaḫmuñ dilde rāḥat yoḳ bu gülşende / Enīn ü āh-ı feryādum hezār āzārdur sensüz

Dökerdüm çeşm-i ḥasret-keş bu gülşen bir yanar āteş / Ki zehr-i erguvānveş naḫl-i gül pür-nārdur sensüz

O rütbe cism-i ża‘f-ı hecr-i cānān ile dil-ḫaste / Zemīn üzre düşen sāyem daḫı bīmārdur sensüz

Piyāle bir gül-i bī-jāledür pür-dāġ-ı dil lāle / Dil-i Ḫāliṣ iderse nāle pür-efkārdur sensüz