Viren gül-reşk-i şermi yāre āb-ı tābdur bā‘is / Hemān reng-i ḫacālet ‘ārıża mīnābdur bā‘is

O çār-erkān-ı yāri hedme mest-i ḫābdur bā‘is / Peresti ş-gāh-ı ḥüsne gūşe-i miḥrābdur bā‘is

Dökilsün delü delü eşk-i taḥassür dīde-i terden / Ki ḫaṭṭ-ı feyż-i sebz-i gülşene dūlābdur bā‘is

Degül tebḫāle gird-i lebde ‘aks-i rengi ṣahbādan / Ḥabāb-ı la‘l-gūn-ı sāġar u vişn-ābdur bā‘is

Rubūde itmege kāh-ı vücūdı cezbe-i ḥüsnüñ / O mevc-i pīçiş-i zülfindeki girdābdur bā‘is

Girībān-çāk dāġ-ı sīne-i fersūde pīrāhen / İden ‘uşşāḳı nevr-i gerden-i mehtābdur bā‘is

Bilindi irtifā‘-ı nāz vaḳt-i vuṣlat-ı cānān / Hemān ālāta dāʾir ḫaṭṭ u usturlābdur bā‘is

Tefeyyüż lafẓa bu esḥāba rīz-i ma‘nīdür yoḫsa / Feżā-yı fikre Ḫāliṣ reşḥaya mīzābdur bā‘is