Yār ḳurbāndur ruḫundan şol hilālḭ ḳaşa baş / Ey ṣanem olsun ḫüda anı çeken naḳḳāşa baş

Çaġruşur şābāş görcek ḳadriñi kerrūbḭler / Ẕevḳ-ile ḭŝār éder ʿaşḳ ehli ol şābāşa baş

Başını her kim ḳoyar şāh-ı velāyet ʿaşḳına / Ḥaḳḳ ṭarḭḳinde anın-len cāna cānız bāşa baş

Ehl-i maʿnḭ iki ʿālemden geçüb ḳallāş olur / Cān fedādur bir anıñ tek ʿāşıḳ-ı ḳallāşa baş

Ey misāfir saʿy ḳıl bu yolda bir yoldaş ḳazan / Ḳılmaya ḥüccet vére ṣıdḳ-ile ol yoldāşa baş

Vāḳıf ol hem-ṣoḥbet olma ey peser ṭarrār-ilen / Saḫla naḳd-i ḳalbiñi ḥarc-eyleme evbāşa baş

Nesl-i Ādemden ʿAlḭ aḥbābdur dḭndāşımız / Serserḭdür dḭn yolunda vérmeyeñ dḭndāşa baş

Dönme Ḥaḳḳdan yüz çevirme olma aġyār-ı Ḥüseyn / Dḭniñi dḭnāra ṣatma vérme āb-ı āşa baş

Kerbelā deştinde ṭob ol gel belā çevgānına / Çün geçersen ʿāḳıbet mundan gerek miñ bāşa baş

ʿAşḳ-ilen yastan irādet āsıtānıñ Himmetḭ / Tā yere ḳoy ol güẕerde ṣıdḳ-ile bir dāşa baş