Söyle maña kim nedür ṣūret-i maʿnā nefs / Ger saña maʿlūm ise ism-i mesḭḥā nefs

Ṣāḥib-i şemşḭr-i şaḳ şāh-ı ledünnḭ sabaḳ / Kāşif-i esrār-ı Ḥaḳḳ ḥal-i muʿammā nefs

Men ʿarefe nefsehu maʿrifet vechehu / Mālikihu mülkihu vālḭ-yi mevlā nefs

Dédi ki nefsin bilen maʿnḭde Rabbin bilür / Ḳıl bu suāle cevāb müdrik-i dānā nefs

Dest-i ḳażā yıḫmadan cism-i şehrin bendini / Girmeden ey bḭ-ḫaber şehrine yaġma nefs

Öziñe yār eyle gel elde iken iḫtiyār / Yoḫsa keser başını ḫancer-i bürrā nefs

Ceng u cedel şeyn u şer fitne düşer ʿāleme / Ḳoysa eger ḫalḳ-āra şūriş-i ġavġa nefs

Ehl-i ḫıred öldürir ʿaḳl-ı cellādın bugün / Ḥırs eline vérmeye olmaya şeydā nefs

Şehdini āl ṣunma gel eyle hūr ey peser / Zehr-ilen memzūc étmiş kāse-yi ḥalvā nefs

Yār yüzini görgecin dangla olur şerm-sār / Kim ki bugün ḳılmasa ey aḫḭ pervā nefs

Tā ebed ey Himmetḭ Ḥaḳḳ-ile bḭgānedür / Olmasa ger ādemḭ munda şināsā nefs