Çıḫdı nāgeh perdeden ol dilber mest / Sāḳiyā meydeki tapdı şāhdan destūr mest

Zāhidā gel kim ene’l-Ḥaḳḳ bādesi oldı mubāḥ / ʿAşḳ Baġdadında şimdi ḳopdı min Menṣūr mest

Vāḳıf ol ṣūfḭ biz ol ḳavmiz ki andan Aḫmediñ / Ḳıldı anıñ ḳırḫını bir dāne-yi engūr mest

Manẓar-ı vaḥdetden açıldı ḥicābıñ perdesi / Oldılar cām-ı ezelden nāżır u manẓūr mest

Muṭrib-ı ʿaşḳ étdi ʿuşşāḳı nevādan müstefḭż / Oldı ney demsāz çeng ahengine ṭanbūr mest

Bir tecellḭ eyledi mihr ile tā dḭdār-ı dūst / Ol tecellḭ pertevinden Mūʿsā mest u Ṭūr mest

Cām-ı inʿām-ı ʿAlḭden olmışuz mest u ḫarāb / Ravżā-yı cennetde onuñ cürʿasından ḥūr mest

Sāḳḭ u bāḳḭ vérür ḫamr u ḥaḳāyıḳdan ḳadeḥ / Ol ḳadeḥden ṣad-hezārān şifte u maḫmūr mest

Luṭf ḳıldı şerbet-i sāḳḭ ḥekim-i lemyezel / Çıḫdı bu darü’l-ṣafādan ʿāşıḳ-ı rencūr mest

Mḭr-i naḫliñ baġladı şeker sözünden şehd-i bāb / Nuṭḳ-ı cān-baḫşından oldı leşker-i zenbūr mest

Ẓāhirim ger ʿālem-i ṣūretde vḭrāndur ne ġam / Eylemez zḭrā vücūd mülkini maʿmūr mest

Himmetḭ iẓhār-ı esrār étse anı ḳılma ʿayb / Fāş éder genc-i nihānḭ olsa ger gencūr mest