Şḭr-i ḫudā şāh-ı velāyet ʿAlḭ / Ḥaydar-ı kerrār ʿAlḭyyi veli

ʿAhd ḳılan leşker-i ervaḥ-ile / Şāhid-i aḳvāl-i elest u beli

Leyletü’l-esrāda çıḫan perdeden / Şol yed-i Ḥaḳḳ maʿnḭ-yi Allahıñ eli

Gördi liḳā kim ki anıñ gözgüsiñ / Eyledi ol dest-i velāyet ʿAlḭ

Ẓāhir u bāṭında ʿAlḭdür ʿayān / Āyine-yi ẕāt-ı Ḥaḳḳıñ ṣayḳalı

ʿĀlem-i vaḥdetde yaḳḭn oldur ol / Nūr-ı Ḥaḳḳıñ āḫiri hem evveli

Bir şeyʾi ey ʿārif-i ṣāḥib-naẓar / Nola eger iki görür aḥveli

Şol güneşi görmedi ḫuffāş fāş / Şöyle kim ebṣār-ı ʿamā meşʿali

Çarḫ-ı muraṣṣaʿda anıñ ḫar-gehi / Şems-i muşaʿşaʿdır anıñ manġalı

ʿArşullahdır aña tekye-gāh / Kürsi-yi raḥmāndır anıñ ṣandalı

Gel bu mufaṣṣalda oḫı bir varaḳ / Tā bilesin kimdir anıñ maḥmili

Nād-ı ʿAlḭdür dem-i iḫlāṣ-ile / Himmetḭniñ muṣḥafı hem heykeli