Kim kidür ey dil çarḫ meydanında cevlān eyleyen / Aḥmed-i muḫtar-ilen miʿrācı seyrān eyleyen

Ki ṣıfātıñ gösteren aṣlan dönende Aḥmede / Gāh ẕātıñ perde-yi ʿizzetde pinhān eyleyen

Ādemi lüṭf-ile şeyṭān āfetinden sāḫlayan / Ḳahr-ile ki ḳavm-i nūḥu ġarḳ-ı ṭūfān eyleyen

Gāh İsmailḭ İbrāhim olub ḳurbān éden / Gāh Ḫalḭle Nemrūdu nārı gülistān eyleyen

Ögreden Dāvūda munca lafẓ u ṣavt u naġmeyi / Geh Süleymāna bu vaḥş u ṭayrı fermān eyleyen

Yūnusu baḥr-ı celāletde nehenge yudduran / Geh ʿaṣā-yı Mūsḭ-yi ʿİmrāna ŝuʿbān eyleyen

Géydiren Eyyübe ḥille endüren Yaʿḳūba nūr / Mülki ḥüsne Yūsufı Kenʿānda sulṭān eyleyen

Mehd içinde söyleden derdem mesḭḥ-i Meryemi / Gāh ḫıżr-ı āşināyı āb-ı ḥayvān eyleyen

Murtażādur ol velḭyullahı muṭlaḳ murtażā / Ḥaḳḳ yolunda munca hem luṭf-ile iḥsān eyleyen

Bu velāyetden ʿAlḭdür dḭv u ded inkārı ḳoy / Çün velḭdir müşkilāt-ı ḫalḳa āsān eyleyen

Her ḳażā vaḳtinde Ḥaydardur biḍarb-ı ẕülfiḳār / Ṣad-hezārān but-perestḭ ehl-i ḭmān eyleyen

Himmetḭ sulṭān-ı iḳlime ḳanāʿatdir bugün / Dḭn yolunda leşker-i nefsi müselmān eyleyen