ʿAlḭdür müʾminḭn u müʾmināna rehber-i hādḭ / Cemḭʿ-i enbiyā u evliyānıñ pḭr-i üstādı

ʿAlḭdir Ādeme taʿlḭm éden esmā-yı ḥüsnānı / Nebḭdür ger velḭ cümleʿAlḭden aldı irşādı

Kitāb-ı millet u meẕheb ḳalurdı ʿāṭıl u bāṭıl / Eger şāh-ı velāyet ḳılmasaydı ʿavn-ı imdādı

Helāk étdi yedullahı ġayūr ol pence-yi ḳudret / Nice Bū-Cehl u Firʿavn nice Nemrūd-ı Şeddādı

Celāliyyet yüzinden ol velḭyyi vāḥidü’l-ḳahhār / Buyurdı ṣurṣura ṭūfāna vérdi leşker-i ʿādı

Ḳarārımızdı yazılmış ḫamsetü’l-esmā / Doḳḳuz ʿarş u yeddi ferşiñ ʿAlḭdir aṣl-ı bünyādı

ʿAlḭdür taṣvḭr éden er cām içinde şekl-i insānı / ʿAlḭdür ol muṣavver naḳş u bend u ṣūret-i maʿnḭ

ʿAlḭdür vālḭ-yi aḥkām u iḳlḭm-i ulūhiyyet / Bi-ḥükm-i innemā ḥācet gelibdür ḥüccet-i daʿvḭ

ʿAlḭdür ʿālim-i ʿilm-i velāyet müftḭ-yi ejder / Ḳamū cāhildür ʿilmi ḳatında ʿālim-i dḭni

Sellūni taḫtına sulṭān imām-ı cinn ve’l-insān / Ḳasḭm u nār ve’l-cenne emḭr-i kişver-i ukbā

İmām-ı muḳtedāsı her kimiñ ki olmasa Ḥaydar / Aña bir covca ḳılmaz fāʾide bu ṭāʿat u takvā

Aña kim mūnis-i cān olmadı mehdḭ ḥarām oldı / Viṣāl-i ḫūr-ı ġılmān u ḳuṣūr-ı cennet-i aʿlā

Muḥibbi ehl-i beyte Aḥmede Ḥaḳḳdan ki ümmetdür / Kenār-ı ḥavz-ı kevŝerdir gülistān sāye-yi ṭūbā

ʿAlḭ mihri göñülde meşʿal-i ḫūrşḭd-i tābāndır / Çıḫan ṣāḥib-naẓardan meşʿal-i ḫūrşḭd olur ʿankā

Ġanḭdür Himmetḭ ʿaşḳ-ı ʿAlḭden faḳr kuyunda / Muḥaḳḳardur yanında tāc u taḫt u mülket-i dünyā