Şuʿle-yi şevḳim sipehriñ mihr u māhından geçer / Bu kevākib ḫaylı tḭġ-ı ṣubḥgāhından geçer

Kḭmyādur pertev-i mihr-i ʿAlḭden ṭḭnetim / Çarḫ-ı bed-mihriñ ser-mühr-i giyāhından geçer

Ṭūṭḭ-yi ṭabʿım ʿAlḭ mihrine ṭayrān eylese / Tḭz-perdür şöyle kim şehbāz-ı şāhından geçer

ʿĀşıḳ-ı serheng server-i āl-i Aḥmed ʿaşḳına / Ḫānumān u cism u cān u ʿizz-i cāhından geçer

Bu ʿacūz-ı bḭ-vefānıñ ʿārif-i ḫod-reng olan / Sebz u al u zerd u hem surḫ u siyāhından geçer

Ṣaff-der-i ṣāḥib-mürüvvet Ḥaydar-ı ṣāḥib-kerem / Tāc-ı Ḫüsrev ḳayṣer-i rūmıñ külāhıñdan geçer

Ḳılsa bir aḥbāb-ı ehle’l-beyt ger yüz miñ ḫaṭā / Ḥaḳḳ ġanḭdür onlaruñ cürm u günāhından geçer

Pereste-but eylese luṭf-ile Ḥaydar bir nigāh / İştirāki ḳalmaz anıñ iştibāhından geçer

Şek getürme şol velḭniñ eyle ḳahrından ḥazar / Oġrasa tḭr-i velāyet seng u āhenden geçer

İstivāʾnıñ ṭarḭḳidür hem ṣırāṭü’l-müstaḳḭm / Külli şeyʾ maʿnḭde anıñ şāhrāhından geçer

Şol Kerḭmiñ oġrasa bir zerre şevḳ u ẕevḳ-idi / Pādişāh-ı dehr taḫt u bārgāhından geçer

Himmetḭniñ himmetḭ ḳurbinde birdür kūh u kāh / Ehl-i himmet bu cihānıñ kūh u kāhından geçer