ʿĀşıḳ-ı ṣādıḳ ḳatından mülk-i fāni bir cova / Bu fenā bazarının sūd u ziyānı bir cova

Miŝl-i Daḳyānus Keykāvus Ḳārūn-ı Baḫḭl / Çoḫları görmüş beḳāsız genc-i kānı bir cova

Ḫarman-ı meh ḫūşa u pervḭn cevzāʾ sünbüle / Ḥāṣıl u maḥṣūl-ı deşt-i āsımānı bir cova

Bād u yer oraḳ bergiñ oda yandır ḫarmanıñ / Uşbu dehriñ çār-baġ u gülistānı bir cova

Lāle-zārı ḫūn-ı dilden su içer bu mazraʿıñ / Erġuvānı nesterānı bostānı bir cova

Ġarḳ-ı deryā-yı şehādetdür şehḭd-i kerbelā / Şol Fırat u Dicleniñ āb-ı revānı bir cova

Olmasa cānında ger cānān mehr-i şāh-ı dḭn / Cinn u insānıñ vücūd-ı cism u cānı bir cova

Pes muḥibb-i Ḥaydarıñ iḥsānı kirdārı gerek / Yoḫsa munda anıñ güftār-ı zebānı bir cova

Olmasa üstinde tuġrā-yı velāyet mihr-i şāh / Pes elinde ḳavm-ı islāmıñ nişānı bir cova

Himmetḭ ṣıdḳ-ile geymişdür velāyet cevşeniñ / Ḫāricḭniñ ḫancer u seyf u sinānı bir cova