Ḥaḳḳıñ vekḭl-i muṭlaḳ yā şāh-ı dḭn velḭ / Rūz-ı elest dédi saña rūḫumuz belḭ / Cānıñ ḥesāb sendedür anıñ mufaṣṣalı / Āyine-yi żamḭre demin oldı ṣayḳalḭ / Müʾminlere meded gerek ey ḳudretiñ eli / Yā maẓharu’l-ʿacāḭb ʿavneʾn-lenā ʿAlḭ / Edʿūke külli hem u ġam sen celi

Ḳopdı bugün zemanda yevmü’l beter meded / Ḳaldırdı baş ḫayli ʿadū ehl-i şer meded / Aḥbāb-ı dḭniñ üstine çekdi ḥaşer meded / Ey şeh-suvār-ı ṣāḥib-i tḭġ-ı du-ser meded / Dutdı cihānı siḥr-ile deccal-ı ḥar meded / Yā maẓharu’l-ʿacāḭb ʿavneʾn-lenā ʿAlḭ / Edʿūke külli hem u ġam sen celi

Dūn-perver oldı çarḫ bu devrān-ı bḭ-ŝubāt / Doldı meṭāʿ-ı zarḳ ile bāzār-ı kāināt hey / Ḳılmaz bugün hüner-vere hḭç kimse iltifāt / Ġam vādisinde ḳalmışuḳ ey ḥall-i müşkilāt / Ḳurtar bizi hidāyet eyle luṭf ḳıl nicāt / Yā maẓharu’l-ʿacāḭb ʿavneʾn-lenā ʿAlḭ / Edʿūke külli hem u ġam sen celi

Ey reh-nümā-yı rehber reh-dān-ı enbiyā / Ey ser-ferāz-ı server ser-tāc-ı evliyā / Ey hādi-yi ṭarḭḳ-i hudā ḳıble-yi duʿā / Ey rāfiʿ-i żelālet u ey dāfiʿ-i belā / Ey şḭr-i Ḥaḳḳ çıḫard bizi ez-çeng-i ejdehā / Yā maẓharu’l-ʿacāḭb ʿavneʾn-lenā ʿAlḭ / Edʿūke külli hem u ġam sen celi

Mevṣūfı her ṣıfāt aḥad ʿayn-ı ẕāt hū / Şanındadur ḥaḳḭḳat-i celle celālihū / Maḫlūḳ-ı fānḭye bāḳḭ sen ey sırr-ı veche hū / Ḳaṣd eyledi muḥibb-i şāha leşker-i ʿadū / Ṣaf baġladı sipāh-ı belā durdı rū-be-rū / Yā maẓharu’l-ʿacāḭb ʿavneʾn-lenā ʿAlḭ / Edʿūke külli hem u ġam sen celi

Meydāna girdi Ḥamza-ilen ḫātem-i resūl / Kim ḳālib oldı onlara şol ẓālim-i cuhūl / Hamza şehḭd düşdi nebḭ oldı çün melūl / Ḳıldı duʿāsını Ḥaḳḳ eyledi ḳabūl / Oldı ol demde nād-ı ʿAlḭ Aḥmede nuzūl / Yā maẓharu’l-ʿacāḭb ʿavneʾn-lenā ʿAlḭ / Edʿūke külli hem u ġam sen celi

Bu cān u tende mihr-i ʿAlḭdir revānımız / Sulṭānımız mehdi-yi ṣāḥib-zamānımız / Şāh-ı velāyet oldıġına yoḫ gümānımız / Furḳān içinde var bu söze çoḫ beyānımız / Her dem bu nuṭḳ-ı ʿaşḳ-ile söyler zebanımız / Yā maẓharu’l-ʿacāḭb ʿavneʾn-lenā ʿAlḭ / Edʿūke külli hem u ġam sen celi

Medḥinde innemā dem cān-āferḭn dédi / Lā-seyf lā-fetā şeh-i bḭ-küfr kḭn dédi / Laḥmeke laḥmi ḫāce-yi dünyā u dḭn dédi / Ṣıdḳ-ile ehl-i semā u zemḭn dédi / Uşbu ḥadḭŝi Aḥmede rūḥu’l-emḭn dédi / Yā maẓharu’l-ʿacāḭb ʿavneʾn-lenā ʿAlḭ / Edʿūke külli hem u ġam sen celi

Ey dil saḳın yaḳḭn ile şāh-ı velāyete / Yüz dut yeri delḭl-i ṭarḭḳ-i hidāyete / Her gün biter ḳayıdma bu farṭ-ı nihāyete / Ger ġam tökerse ḳanıñı gitme şikāyete / Endḭşe çekme ṣıdḳ-ile semʿ ol bu āyete / Yā maẓharu’l-ʿacāḭb ʿavneʾn-lenā ʿAlḭ / Edʿūke külli hem u ġam sen celi

Küll-i iḫtiyārıñ elde iken nefsi yār ḳıl / ʿİŝnā-ʿaşer muḥabbetini iḫtiyār ḳıl / Ḫırsı perestiş eyleme terk-i ḥimār ḳıl / ʿAşḳ-ile ḫidmet-i şeh-i düldül-süvār ḳıl / Ġam çekme ḫayl-ı āli bu daġālı ḥiṣār ḳıl / Yā maẓharu’l-ʿacāḭb ʿavneʾn-lenā ʿAlḭ / Edʿūke külli hem u ġam sen celi

Besdir fenā meclisi meʾvā u meskenim / Gülşen-i sarāya ṭaʿn ḳılur künc-i gülḫanım / Ger cümle ḫalḳ-ı rūy-ı zemḭn olsa düşmenim / Ḥarb-itmege ʿadū ile bu ʿarṣada menim / Budur sinān seyf külah u ḫūd-ı cevşenim / Yā maẓharu’l-ʿacāḭb ʿavneʾn-lenā ʿAlḭ / Edʿūke külli hem u ġam sen celi

Yandursa cism u cānıñı ger nār dem-be-dem / Gel ṭūr-ı ʿaşḳa Mūsā kimi var dem-be-dem / Tā göresin tecelli-yi dḭdār dem-be-dem / Dutma tökerse ḳanıñı inkār dem-be-dem / Oḫı bu ismi Himmetḭ tekrār dem-be-dem / Yā maẓharu’l-ʿacāḭb ʿavneʾn-lenā ʿAlḭ / Edʿūke külli hem u ġam sen celi