Çü pīçiş-i ḫam-ı zülfüñ midür nedür kemerüñ / Miyānına nice bel baġlayam o müşg-i terüñ

Sifāl-i ġamla kesermiş ḥimār-ı derd-i serüñ / Yüki boşandı raḳīb arḳadan atar semerüñ

Maḥabbetüñ göricek şu‘le ṭāb-ı reşkinden / Raḳīb eritdi bütün baġrı yaġını fenerüñ

Olaydı duḫter-i rezle zifāfı enbīküñ / Dökerdi dür gibi sīmīn-sebīkeden güherüñ

Ṣaḥīḥ-i cevhere baḳ ezberümde āyīnedür / Ne farḳı var ‘acebā sīm-āyīne ile berüñ

Ziyāde çekme ḫadeng-i müjeñ kemānından / Tamāmı temreni sünnet yerindedür siperüñ

Bu kūçede dili yanıḳ ṭa‘āmına çaġırur / Ne yerde yanġın ‘aceb var mıdur çü çoḳ ḫaberüñ

Zemīn-i Sābite ekmiş bezir-ger-i ḫāmuñ / Seḥāb-ı feyż ile Ḫāliṣ çemenlenür eserüñ