Elā ey merd-i ʿāşıḳ rind-i çālāk / ʿAlḭ yolında eyle cismiñi ḫāk

Gide fi’l-cümle bū-yı nengden günāhıñ / Ḥaṭā u maʿṣiyetden olasan pāk

ʿAlḭ mihrinden özge her ne kim var / Çıḫart ḳalbinden eyle cismini ḫāk

Neden kim revnaḳı yoḫdur yaraşmaz / Gül u reyḥān içinde ḫār u ḫāşāk

ʿAlḭdür ṣayḳal-ı mirāt-ı ḭmān / Gümān u ẓannı terk ét olma şekāk

ʿAlḭdür göñlünde buġżı zehr-i ḳātil / Velḭ cānda muḥib-i ḥubb-ı tiryāk

ʿAlḭden enbiyā u evliyāya / Érişdi nuṭḳ-ı ʿilm u ḥilm u idrāk

ʿAlḭ ismiyle dutdı istiḳāmet / Muʿallaḳ durdı bu nuh ṭāḳ-ı eflāk

ʿAlḭdür mālikü’l-mülk-i velāyet / ʿAlḭ ḥükmündedür bu yeddi eflāk

Ġadḭr-i ḫumda geldi ḥükm-i ḳādir / Aña cānım dédi sulṭān-ı levlāk

Bu meydānda bi-ʿaşḳ-ı şāh-ı merdān / Giderse baş cānım çekmezem bāk

İçinde Himmetḭ vaḥdet meyinden / O demde yoḫ-ıdı engūr hem tāk