Mey-āşām ol leb-i ḫāhişle leb-ber-leb sebūlarla / Zifāf it ḳanberi bintü’l-‘ineble ārzūlarla

İçinden kendini dāmād idüp neş’eyle ṣahbāya / Baṣıldı duḫter-i rezle gice dil güft ü gūlarla

Ḫayāl-i zülf ile Ceyḥūna döndi çeşm-i ḫūn-bārum / Dil-i nā-rāmı çekmiş mevce-i zencīre cūlarla

Leb-i sāġarda reng-i būse-i yāri temāşāya / Dökerdüm ḥaşm-ı ḥasret-rīz-i mīnā ser-fürūlarla

Yetiş ṣābūn neş’e ile ḥabāb ālūde-dāmendür / Temiz it sāḳiyā mīnā-yı terle şüst ü şūlarla

Ḫayāl-i mū-miyānuñ tekye-i dilde gelüp vecde / Der-āġūş eyledüm şeyḫāna yāri hāy u hūlarla

Cenāb-ı Sābite tanẓīre meydān-ı belāġatde / Ḫayāl-i ḫāma düşdi ḫāme Ḫāliṣ cüst ü cūlarla