Ḥaḳḭḳat ḥükmüdür el-Ḥaḳḳ budur inzallah / On sekkiz miñ ʿāleme Ḥaḳḳdan ʿAlḭdür pādişāh

Ẓāhir u bāṭın ezel günden ʿAlḭdür tā ebed / Hel etā evcinde māh u innemā taḫtında şāh

Mevce gelse kābe nisbet kūh-ı ḳāf-ı ġarḳ éder / Ol kerem deryāsınıñ ḳurbında birdür kūh kāh

Bir ṭabaḳdır ol kerḭmiñ sofrasında nuh felek / Ol ṭabaḳ üstinde iki ḳurṣ-ı covdur mihr u māh

Bir saḫḭdür kim saḫā mülkü müsellemdir aña / Ḥaḳḳ yolında ḳıldı terk-i cān u terk-i ʿizz u cāh

Hergiz anıñ vaḳt-i ḥācet nuṭḳına lā gelmedi / Ṣandı sāiller mükerrer bu söze Ḥaḳḳdır güvāh

Gelse ger luṭf üstine ol pādişāh-ı bḭ-niyāz / Kim ḳılur nice gedāyı ḫüsrev-i ṣāḥib-külāh

İki ʿālem ḫalḳı bir meydāna girse ḥarb içün / Şeh-süvār-ı lā-fetā ol server-i ʿālem-penāh

Bir nefesde eyler ol mecmūʿ-ı tār-ı tenhā tārumār / ʿAvn-ı Ḥaḳḳ besdir aña ḥācet degil ḫayl-i sipāh

Bu nuḳṭadan ṭālib-i tevḥḭde vaḥdetdür ġaraż / Şḭaʿ-yı peyġamber ʿālem-i vaḥdetde olmaz iştibāh

Mustakim ol Himmetḭ Ḥaydar yolunda müstaḳḭm / Ḥażrete doğru ṭarḭḳ-i evliyādur şāh-rāh