Āġūş açalıdan beri ol duḫter-i tersā / Mānend-i çelīpā

Geh-vāre-i āġūş-ı Pānāyāna Mesīhā / Yaḳlaşmadı aṣlā

Beñzerse nola sīnesi mirʾāt-ı Frenke / Her yanı o renge

Ṣūret bulur ʿaksimle deyü ehl-i ḳilisā / Yüz virmedi ḳaṭʿā

Gitdikce nice şemʿa-i cānlar yaḳacaḳdır / Seyre baḳacaḳdır

Bir ḥüsn-i cihān-sūzla ol māh-ı şeb-ārā / Āh ol saçı Leylā

Görse seni papas çıḳarır idi sitavros / Ey rūḥ-ı Ḫristos

Astonu masu semu deyü başlayaraḳ tā / Sırrın ider ifşā

Nūrī gibi görse seni ey rūḥ-ı revānım / Billāh a cānım

Eyler ḳıyub ʿİsāya pereştiş saña cānā / Biñ cānla papa