ʿUḳde-i zülf-i girih-gīr açılur söz uzanur / Yoḫsa dil-rişte-i güşā-i süḫandan uṣanur

Kāfiristān degil kişver-i ʿaşḳ-ı cānān / Āyet-i muṣḥaf-ı ruḫsārına uşşāḳ inanur

Her ne dem çāh-ı zenaḫdānına meylim aḳsa / Ḳarye-i çeşm-i emel kāh ṭolar kāh boşanur

Olamaz nālezen-i bezm-i şitā murġ-ı bahār / Nezd-i pervāne sūzānda elbet utanur

Yıḳamaz tīşe-i ġam hemçü ʿamūd-ı āh-ı derūn / Zīr-i kāşāne-i eflāke dem-ā-dem ṭayanur

Rū-nümā leyle-i ümmīdde necm-i devlet / Baḫt-ı nāʿim seḥer-i kāmdır elbet uyanur

Vaṣf-ı ruḫsāruñ ile jāle-nisār olsa göñül / Bülbülüñ dīdeleri ġoncānıñ aġzı ṣulanur

Olamaz pāy-ı nigeh rāst-rev-i sūy-ı cemāl / Mevce-i seyl-i sirişkimle ṭarīḳi ḳapanur

Sipeh-i encüm-i baḥtım nola pāmāl olsa / Nūrīyā esb-i emel deşt-i sipihri ṭolanur