Bir dil-bere dil vir ki ola ‘işvede māhir / Olsa reviş ü nāz u edā ḥüsn ile nādir

Āşūb-ı fiten ġamze-i şūr-ı nigehinden / Yanından i‘āz ile geç ey sāḥir-i kāfir

Teşne-leb-i gül-fāmına ol sāġar-ı ser-şār / Revnaḳ bulamaz çeşm-i ḥabāb olmasa nāẓır

Çoḳ çille-i saḫtuñ çeker ol ḳaşı kemānuñ / Gelmez dil-i sengīnine hīç nermī-i ḫāṭır

Şeh-nāz ider ‘uşşāḳa düşen būselik itmek / Ṣarmaḳ o miyānı tene nādir tene nādir

Bozuḳ düzen iken naġam-ı şarḳī-i yāre / Endīşe olur levṭa(?)-i kilke müteşā’ir

Dil sāḥa-i ḫulyāda viṣālüñ gözedürken / Gördüm ruḳabā ṣūret-i aġyār ile hāżır

Ḳalmazdı bu sīnemde hümūm-ı ġam-ı ḥayret / Şādī-i ḳudūmüñ dile olsaydı müsāfir

Memhūrī-i zaḫmuñ arama sīnede Ḫāliṣ / Çalınmadı ismüñ hele mesṭūr-ı defātir