Ceyş-i müjgānıñ ḳalur mı leşker-i Kāvūsdan / Sīnemiñ bu ḳadar dögülmeklikde farḳı kūsdan

Cilvegāh itme ḫayāl-i ġamze-i ġammāzını / Nā becā ümmīd-i hem-rāzī göñül cāsūsdan

Küfr-i zülfün ol bütüñ dil yād idüb feryād ider / Deyr-i ġamda diñle zikr yā ṣanem nāḳūsdan

Perdeyi çāk it de ṣoñra ʿālemiñ al naḳşını / Baḳ ne ṣūretler çıḳar āyīne-i nāmūsdan

Sīne-i ṣafımda gücdür nār-ı ʿaşḳı gizlemek / Nūr-ı şemʿ olur nümāyān perde-yi fānūsdan

Vaṣl ümīd itmek ḫayālini görünce çeşm-i dil / ʿArż-ı hācāt ile istimdāddır maḥbūsdan

Būse-ḫāh olmaḳ görüb mirʾāt-ı dilde laʿlini / Söz ümīdidir dehān-ı ṣūret-i māʿkūsdan

Revnaḳ-ı rūyı ḳalur mı itmese vaṣlın dirīġ / Çün ṣolar naḳş-ı şukūfe kāle-i Mebūsdan

Ṭıfl-ı ṭabʿıñ nüsḫa-ı ebced gibi ḥıfẓındadır / Nūrīyā maʿnā-yı rengin arama ḳāmūsdan