Tābiş-i yār āb u tāb iledür / Nūrı devrān āfitāb iledür

Vir zekūt-ı cemālüñ ‘uşşāḳa / Bu kemāl-i ḥasen niṣāb iledür

Nükte-i ḫaṭ-ı yāri ḳıl tefsīr / Sözüm ey ḫāme hep kitāb iledür

Ṣanma tebḫāle gird-i leb sāḳī / Sāġarı la‘li gör ḥabāb iledür

Dil olup la‘l-i yār ile sūzān / Bezm-i cānān daḫı kebāb iledür

İtme kürsīde daḫl-i pīr-i muġān / Vā‘iẓüñ meclisi sevāb iledür

Vaḳt-i ‘ömrini itme ṣarf-ı hevā / Naḳd-i enfāsı bil ḥisāb iledür

Zer-i Ḫāliṣ dökilmede yolına / Gerdiş-i çarḫumuz dolāb iledür