O şūḫuñ ḳanḳı dil gīsūsına baġlansa dāġlardı / Dil-i ʿuşşāḳ-ı zārı kendi daġlar kendi bağlardı

Ne ḳara günlere ḳaldıḳ görüb yaġım erir billāh / Elinde yaġlıḳ ol kāfur-ı gerden yanar ağlardı

Bütün ʿuşşāḳına yan çizse de yārim diseydim ben / Yemīn etsem yeridir her işim bir sözle ṣaġlardı

Ḫayāli gezmek içün sīne bāġ u dāġ idi göñlüm / Müferriḥ bāġ o baġlar dil-gūşā dāġlar o dāġlardı

Ḳararsa nola yanub aġlamaḳdan dīde-i Nūrī / Ocāġ-ı vaṣılda evvelce çūn anlar çerāġlardı